Menü
Starte die Hörversion durch Klick auf den Pfeil.
Seite
Lesetext
anhören
Titel
Arbeit för Hunnen
1
En Hund is dien Fründ un he steiht di bi.
Dat gifft aver ok welk, de hebbt
en richtige Arbeit.
3
Hiro hett de öllste Profeschoon för Hunnen.
He höddt de Schaap.
Hiro passt ornlich op.
Keen Röver kann nu de Deerten angriepen.
He is jümmers op de Wacht,
dat keen Schaap utbüxen deit.
Mit sien Lief wiest he de Schaap,
wo dat lang geiht.
As en Höödhund mutt Hiro geern lopen
un jümmers siene Ogen un Ohren
apen hebben.
5
Karlson mutt goot tohören.
He is en Leeshund.
Paula truut sik nich,
in de Klass luut to lesen.
Man bi Karlson kann se dat.
Karlson leest se ut ehr leevst Book vör.
Karlson kann vele Kinner helpen.
He is sacht un sinnig.
Düsse Hunnenarbeit passt
för em allerbest.
7
Nala hett op Blinnenhund lehrt.
Katja kann sik heel un deel op ehr
verlaten.
Nala bringt ehr seker dör den Verkehr
op de Straten. Ok an de roden Ampeln
blifft se stahn.
An den Bahnstieg blifft Nala mit Katja stahn,
bit de Dören vun de Stratenbahn apen sünd.
Eerst denn gaht se rin.
As jeedeen Blinnenhund is Nala plietsch,
leev un liedsam. Tohopen sünd se
en bannig gode Koppel.
9
Bax arbeidt för de Polizei.
He söcht an den Flegerhaven na Drogen.
Hunnen köönt veel beter rüken
as de Minschen.
Bax kann de Polizei dat wiesen, wenn he
de Drogen raken hett.
As he utbillt worrn is, hett he en Speeltüüch hatt.
Dat hett na Drogen raken. He söcht nu alltiet
wedder dorna.
För Bax is dat keen Arbeit nich.
He speelt blots jümmers Söken.
11
Balu is en groten Hund. Aver keeneen
is bang vör em. He is bannig leev
un vörsichtig.
He arbeidt mit behinnerte Kinner. För Nils
is Balu en goden Fründ toʼn Spelen.
Balu kann mit Wörpel spelen, Koorten
opdecken, Versteken spelen oder sik ok blots mal
anlehnen.
De lütte Nils mag den Hund heel dicht
bi sik hebben.
Balu stött den Jung sien Nääs mit de Snuut an.
Nils höögt sik. Bi Balu mag de Jung
to un to geern ween.
13
Rumo hett al vele Leven rett.
He mag geern spelen un blifft alltiet
sacht un sinnig.
As lütten Welp hett he tokeken, wat de anner
Hunnen doot. Un dat hett he denn ok so maakt.
Na en Tiet muss he wiesen, wat he allens kunn.
Nu is he bi de Bargwacht.
En Lawin is vun den Barg dalstört.
Rumo mutt nu flink dor hen.
Mit den Helikopter warrt he henbrocht.
He snüffelt na Minschen ünner den Snee.
Hett he een funnen, denn hölpt he mit,
em uttograven.
15
So lang as dat Filmen gifft,
hebbt dor ok Hunnen bi mitspeelt.
Rubin un Rocky weren reelle Filmstars.
Se muchen geern, dat all na jüm henkeken.
De beiden Hunnen hebbt vele Kneep un
Kunststücken lehrt.
Wenn se en Film maakt, is dat ok vundaag
noch meisttiets luut un all loopt se dörʼnanner.
De Hunnen mööt aver ruhig blieven.
Sogor inʼt Gesetzbook steiht schreven,
dat de Hunnen goot to behanneln sünd.
16
Wat he arbeiden deit, is den Hund
meist eendoont, he is anʼn leevsten
mit sien Minschenfrünnen tohopen.
Themenhefte für Erstleser
je 16 S., vierf., Gh., 14,5 x 13,5 cm
Zu jedem der 40 Hefte gibt es ein Arbeitsblatt, welches die Auseinandersetzung mit dem Inhalt fordert und das Leseverständnis fördert.
